Zergatik hitz egiten dugu agroekologiaz, zigilu ekologikoa badago?

Denborarekin, zigilu ekologikoa urardotu egin da. Bio merkatua oso merkatu-nitxo erakargarria bihurtu da ohiko azalera handientzat eta multinazional handientzat, zeinek marka ekologiko tradizionalak erosten dituzten beren produktu-sorta handitzeko.

Ziurtagiri ekologikoak bermatzen du elikagaiak agrotoxikoak eta gainerako biozidak erabili gabe hazi edo ekoiztu direla dena ekoizpen-araudi zorrotza beteta, gure kasuan Europako zuzentarauan oinarritutako eta aldizkako kontrolak gaindituta.

BAINA… zigiluak EZ ditu bermatzen bizitzarako oinarrizko beste parametro batzuk, hala nola gizarte-justizia, biodibertsitatea, haziak, lurzorua, lurraldea sakon zaintzea, edo bizitza gehiago errespetatzen duten beste ekonomia mota batzuk sustatzen dituzten sareak sortzea.

Horretarako dugu Agroekologiaren kontzeptua, ekoizpen ekologikoan eta tokiko elikadura-sistemetan gizarte- eta ingurumen-balioak txertatzen baititu.

BioAlaiko produktu guztiak ekologikoak dira, baina guztiak EZ dira agroekologikoak.

Gaur egun, ez da posible agroekologiako proiektuetatik datozen elikagaiez apal guztiak betetzea. Agroekologiaren alde lan egiten dugu, egungo elikadura-sistemaren eraldaketari laguntzeko modu gisa, baina errealitateaz jabetzen gara, eta prozesu hori zailtzen duten hainbat arrazoi daude.

Gaur egun, agroekologia ez da errealitate garbia; baina bai BioAlairen esentziaren oinarri bat, gure zeruertza marrazten duena eta bidea eta norabidea markatzen dituena.